The 3rd Belt & Road Chinese University & Overseas Partner Exchange Conference
ការចូលរួមសន្និសីទអន្តរជាតិ “The 3rd Belt & Road Chinese University & Overseas Partner Exchange Conference” នៅទីក្រុងក្វាងចូវ
ក្រោមកិច្ចសហការរវាង សមាគមបញ្ញាសិប្បនិម្មត្តិ រ៉ូបូត និងផ្ទេរបច្ចេកវិទ្យាកម្ពុជា និងស្ថាប័ន Guangzhou MalishaEdu. សមាគមបានគោរពអញ្ជើញគណៈប្រតិភូកម្ពុជាមកពីបណ្តាក្រសួងនានា ដើម្បីចូលរួមសន្និសីទអន្តរជាតិស្តីពី "ការផ្លាស់ប្ដូររវាងសាកលវិទ្យាល័យចិន និងដៃគូអន្តរជាតិ នៃគំនិតផ្តួចផ្តើមខ្សែក្រវាត់ និងផ្លូវ លើកទី៣ (The 3rd Belt & Road Chinese University & Overseas Partner Exchange Conference)" ដែលប្រព្រឹត្តទៅនៅទីក្រុងក្វាងចូវ សាធារណៈរដ្ឋប្រជាមានិតចិន ចាប់ពីថ្ងៃទី២៧ ដល់ថ្ងៃទី២៨ ខែវិច្ឆិកា ឆ្នាំ២០២៥។
លោកបណ្ឌិត លី ឌីយ៉ាម៉ង់ អនុប្រធានសមាគមបញ្ញាសិប្បនិម្មត្តិ រ៉ូបូត និងផ្ទេរបច្ចេកវិទ្យាកម្ពុជា និងជាតំណាងសមាគមផ្លាស់ប្ដូរការអប់រំវិជ្ជាជីវៈកម្ពុជា-ចិន បានដឹកនាំគណៈប្រតិភូកម្ពុជាចូលរួម ដែលសមាសភាពរួមមាន៖
• ឯកឧត្តមបណ្ឌិត ផេង សុខលាភ អនុរដ្ឋលេខាធិការ ក្រសួងយុត្តិធម៌
• ឯកឧត្តម ម៉ុល វិបុល អនុរដ្ឋលេខាធិការ ក្រសួងការងារ និងបណ្តុះបណ្តាលវិជា្ជជីវៈ
• លោកស្រីបណ្ឌិត ងួន សុខឆេង អគ្គនាយករងនៃអគ្គនាយកដ្ឋានឧត្តមសិក្សា ក្រសួងអប់រំ យុវជន និងកីឡា
• តំណាងពីវិទ្យាល័យព្រះស៊ីសុវត្ថិ។
សន្និសីទអន្តរជាតិនេះ ក៏មានការចូលរួមពីសាកលវិទ្យាល័យ និងគ្រឹះស្ថានអប់រំជាង ១០០ស្ថាប័ន មកពី ៨០ប្រទេស ដោយមានអ្នកចូលរួមសរុបប្រមាណជាង ៦០០នាក់។គោលបំណងនៃការរៀបចំសន្និសីទនេះឡើង គឺដើម្បីផ្សព្វផ្សាយអំពីឱកាសសិក្សានៅតាមសាកលវិទ្យាល័យក្នុងប្រទេសចិន និងប្រទេសជាសមាជិក ព្រមទាំងផ្លាស់ប្ដូរបទពិសោធន៍លើវិស័យអប់រំ វិទ្យាសាស្ត្រ និងវេជ្ជសាស្ត្រទំនើប ក្នុងទិសដៅពង្រឹងកិច្ចសហប្រតិបត្តិការរវាងប្រទេសចិន និងបណ្តាប្រទេសសមាជិកដែលបានចូលរួម។ ក្រោយបញ្ចប់សន្និសីទអន្តរជាតិនេះ គណៈប្រតិភូកម្ពុជាបានវាយតម្លៃខ្ពស់ចំពោះកិច្ចសហប្រតិបត្តិការអន្តរជាតិ និងបានជំរុញទឹកចិត្តដល់សមាគមទាំងពីរ ឱ្យបន្តកិច្ចខិតខំប្រឹងប្រែងក្នុងការសហការជាមួយស្ថាប័នអន្តរជាតិនានា និងជួយផ្សព្វផ្សាយពីសក្តានុពលនៃវិស័យអប់រំរបស់ប្រទេសកម្ពុជាទៅកាន់ឆាកអន្តរជាតិ។
សូមអរគុណ
