ទិនានុប្បវត្តិ CARTA

កិច្ចពិភាក្សារវាង សាកលវិទ្យាល័យជាតិគ្រប់គ្រង (NUM) ជាមួយគណៈប្រតិភូមកពីសាកលវិទ្យាល័យ Dalian University of Technology (DUT) និង គ្រឹះស្ថានបោះពុម្ពផ្សាយ Dalian University of Technology Press (DUT Press) នៃសាធារណរដ្ឋប្រជាមានិតចិន

Oct 23, 2026 5 នាទីអាន

ចែករំលែក

នាព្រឹកថ្ងៃទី ២២ ខែតុលា ឆ្នាំ២០២៦ ដោយមានកិច្ចសម្របសម្រួលពី សមាគមរ៉ូបូត បញ្ញាសិប្បនិម្មិត និងការផ្ទេរបច្ចេកវិទ្យាកម្ពុជា (CARTA) លោកស្រី ស៊ឹម សុវាចារណ៍ សាកលវិទ្យាធិការរង នៃសាកលវិទ្យាល័យជាតិគ្រប់គ្រង (NUM) បានទទួលជួបពិភាក្សាការងារជាមួយគណៈប្រតិភូមកពីសាកលវិទ្យាល័យ Dalian University of Technology (DUT) និង គ្រឹះស្ថានបោះពុម្ពផ្សាយ Dalian University of Technology Press (DUT Press) នៃសាធារណរដ្ឋប្រជាមានិតចិន ដែលដឹកនាំដោយ លោកសាស្ត្រាចារ្យ Wang Bo អនុប្រធានសាកលវិទ្យាល័យ Dalian University of Technology និង លោក Su Kezhi ប្រធានគ្រឹះស្ថានបោះពុម្ពផ្សាយ Dalian University of Technology Press។

ជំនួបកិច្ចពិភាក្សានេះបានប្រព្រឹត្តទៅក្នុងបរិយាកាសប្រកបដោយភាពស្និទ្ធស្នាល និងទទួលបានផ្លែផ្កា ដោយភាគីទាំងពីរបានផ្លាស់ប្តូរទស្សនៈ បទពិសោធន៍ និងពិភាក្សាអំពី កាលានុវត្តភាពនៃកិច្ចសហប្រតិបត្តិការលើវិស័យអប់រំ ការស្រាវជ្រាវ ការផ្លាស់ប្តូរចំណេះដឹង និងបទពិសោធន៍ ការបោះពុម្ពផ្សាយ និងការអភិវឌ្ឍធនធានមនុស្ស។

ជាលទ្ធផល នៃជំនួបនេះបានបង្កើតនូវ មូលដ្ឋានដ៏សំខាន់ និងជាចំណុចចាប់ផ្តើមថ្មីនៃទំនាក់ទំនង និងកិច្ចសហប្រតិបត្តិការ រវាង សាកលវិទ្យាល័យជាតិគ្រប់គ្រង (NUM) និង សាកលវិទ្យាល័យ Dalian University of Technology (DUT) និង គ្រឹះស្ថានបោះពុម្ពផ្សាយ Dalian University of Technology Press។

ជំនួបដ៏សំខាន់នេះ គឺជាចំណុចចាប់ផ្តើមដ៏ល្អសម្រាប់ការបង្កើតទំនាក់ទំនងរវាងស្ថាប័នទាំងពីរ ព្រមទាំងបើកឱកាសសម្រាប់ភាគីទាំងពីរ បន្តពិភាក្សា និងស្វែងរកលទ្ធភាពនៃកិច្ចសហប្រតិបត្តិការជាក់ស្តែងនាពេលខាងមុខ ជាពិសេសលើវិស័យអប់រំ ការស្រាវជ្រាវ ការបោះពុម្ពផ្សាយ និងការផ្លាស់ប្តូរចំណេះដឹង និងបទពិសោធន៍ រវាងកម្ពុជា និងចិន។

ជំនួបនេះមិនត្រឹមតែជាកិច្ចពិភាក្សាមួយប៉ុណ្ណោះទេ ប៉ុន្តែជាការចាប់ផ្តើមនៃទំនាក់ទំនងថ្មី ដែលអាចឈានទៅរកកិច្ចសហប្រតិបត្តិការដ៏មានអត្ថន័យ និងជាក់ស្តែងនាពេលអនាគត។

សមាគមរ៉ូបូត បញ្ញាសិប្បនិម្មិត និងការផ្ទេរបច្ចេកវិទ្យាកម្ពុជា (CARTA) ពិតជាមានសេចក្តីសោមនស្សរីករាយដែលបានចូលរួមសម្របសម្រួលជំនួបដ៏មានសារៈសំខាន់នេះ។ ជាពិសេស CARTA នឹងបន្តដើរតួនាទីជាអ្នកសម្របសម្រួល និងភ្ជាប់ទំនាក់ទំនងរវាងស្ថាប័នទាំងពីរដើម្បីជំរុញកិច្ចសហការរវាងភាគីទាំងពីរឱ្យឈានទៅរកលទ្ធផលជាក់ស្តែង និងប្រកបដោយចីរភាពនាពេលអនាគត។

ប្រព័ន្ធផ្សព្វផ្សាយ