កម្ពុជាចែករំលែកទស្សនៈ និងស្វែងរកកិច្ចសហប្រតិបត្តិការលើសេដ្ឋកិច្ច និងពាណិជ្ជកម្ម ក្នុងក្របខ័ណ្ឌ RCEP និង CAFTA 3.0
ទីក្រុងណាននីង ប្រទេសចិន ថ្ងៃទី២១ ខែកញ្ញា ឆ្នាំ២០២៦ — កម្ពុជា តាមរយៈ ឯកឧត្តម ហេង តុលា អនុប្រធានសមាគមបញ្ញាសិប្បនិម្មិត រ៉ូបូត និងផ្ទេរបច្ចេកវិទ្យាកម្ពុជា បានចូលរួម និងចែករំលែកទស្សនៈក្នុងវេទិកាពិភាក្សា «RCEP & CAFTA High-Level Dialogue on Collaborative Growth» ដែលផ្តោតលើការពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្មក្នុងតំបន់។
ក្នុងវេទិកានេះ ឯកឧត្តម ហេង តុលា បានចូលរួមពិភាក្សា និងផ្លាស់ប្តូរយោបល់ ព្រមទាំងលើកឡើងនូវសំណើជាក់ស្តែងពាក់ព័ន្ធនឹងកិច្ចសហប្រតិបត្តិការក្នុងតំបន់ ដែលបានរួមចំណែកដល់ការបង្កើនការយល់ដឹង និងការស្វែងរកឱកាសសហការរវាងភាគីពាក់ព័ន្ធ។
សម្រាប់កម្ពុជា RCEP និង CAFTA 3.0 ផ្តល់ឱកាសក្នុងការពង្រឹងការតភ្ជាប់សេដ្ឋកិច្ច និងពាណិជ្ជកម្ម ផ្លាស់ប្តូរចំណេះដឹង និងបទពិសោធន៍ ព្រមទាំងស្វែងរកភាពជាដៃគូថ្មីៗ ដើម្បីជំរុញការអភិវឌ្ឍក្នុងតំបន់។
ការចូលរួមនេះក៏បង្ហាញពីការបន្តពង្រឹងកិច្ចសហប្រតិបត្តិការអន្តរជាតិ និងការប្រែក្លាយការផ្លាស់ប្តូរទស្សនៈទៅជាកិច្ចសហការជាក់ស្តែង និងលទ្ធផលដែលមានប្រយោជន៍សម្រាប់ការអភិវឌ្ឍនាពេលខាងមុខ ជាពិសេសក្នុងក្របខ័ណ្ឌភាពជាដៃគូរវាងកម្ពុជា–ចិន និងកម្ពុជា–អាស៊ាន។
